Tuesday, March 4, 2014

ஜெபிக்கும் கிறிஸ்தவன்




நான் படித்து மிகவும் பயனடைந்த புத்தகங்களில் ஜெபிக்கும் கிறிஸ்தவன் என்ற புத்தகத்திற்கு தனி இடம் உண்டு. அனேக நாட்களாக நல்ல புத்தகங்கள் அனைவருக்கும் கிடைக்க வேண்டும் என்று ஆசைப்பட்டேன். பரிசோதனை முயற்சியாக முதலாவதாக ஒரு புத்தகத்தை ebay எனும் இணையதளத்தில் விற்பனைக்கு வைத்திருக்கிறேன்.

http://www.ebay.in/itm/Praying-Christian-/201046788154?


Sunday, September 19, 2010

காட்டைக் கெடுக்கும் சிறு நரிகள் - R.Stanley

காட்டைக் கெடுக்கும் சிறு நரிகளைக் குறித்து உன்னதப்பாட்டு புத்தகத்தில் நாம் வாசிக்கிறோம். செத்த ஈக்கள் தைலக்காரனுடைய பரிமளதைலத்தை நாறிக் கெட்டுப்போகப்பண்ணும்; ஞானத்திலும் கனத்திலும் பேர்பெற்றவனைச் சொற்ப மதியீனமும் அப்படியே செய்யும். (பிரசங்கி 10:1 )
நம் வாழ்க்கையில் உள்ள சிறிய காரியங்கள் தானே என்று நாம் எண்ணுபவை கூட நம் சாட்சி வாழ்வைக் கெடுத்துப் போடுகின்றன.  சகோ. ஸ்டான்லி எழுதிய இப்புத்தகத்தில் சொல்லப்பட்டிருக்கிற தலைப்புகளில் தியானித்து நம் வாழ்வை அலசினால் நிச்சயமாகவே நம் வாழ்வு இனி கனி தரும் வாழ்வாக மாறும் என்பதில் ஐயமில்லை. இப்புத்தகத்தை தனிப்பட்ட தியானத்திற்காம மட்டுமல்லாது குழுவாக, குடும்பமாக கூடிவரும் போதும் பயன்படுத்தி பயன் பெறலாம்.

சிறு நரிகள் புத்தகத்தை பதிவிறக்கம் செய்ய கீழே உள்ள சுட்டியை கிளிக் செய்யவும்.


Download சிறு நரிகள்

Tuesday, September 14, 2010

தெளிவாக பதில்கள் - சகோ.R.ஸ்டான்லி (BYM)

இன்று கிறிஸ்தவத்தில் கேள்விகள் எழுப்புபவர்கள் அனேகர். ஆனால் பதில் சொல்லுபவர்கள் வெகுசிலரே. தமிழக கிறிஸ்தவர்கள் மத்தியில் எழுத்து ஊழியத்தில் மிகவும் அறியப்பட்டவர்களுல் சகோ.ஸ்டான்லி அவர்களும் ஒருவர். இவர் எழுதிய “தெளிவான பதில்கள்” தொகுப்பு ஒன்று 50 நடைமுறை மற்றும் கருகலான கிறிஸ்தவக் கேள்விகளுக்கு பதிலளிக்கிறது. ஏழு தலைப்புகளின் கீழ் இப்புத்த்கத்தில் கேள்விகள் வரிசைப்படுத்தப்பட்டுள்ளன. அவை

1.கிறிஸ்தவ வாழ்வு
2,கிறிஸ்தவ உபதேசம்
3.ஆவியானவரும் வரங்களும்
4.திருச்சபை
5.கிறிஸ்தவ ஊழியம்
6.பாலுறவும் திருமணமும்
7. சமூக வாழ்வு

மிகவும் பயனுள்ள இந்நூலின் மின் பதிப்பு இரண்டு முறைகளில் தரவேற்றப்பட்டுள்ளது. தலைப்பு வாரியாக ஒன்றும், முழுப் புத்தகமாக ஒன்றும் தரவேற்றப்பட்டுள்ளது. வாசித்து பயனுறுங்கள்.

தெளிவான பதில்கள் - சகோ.ஆர்.ஸ்டான்லி
1. முழுப்புத்தகம் 
2. பகுதி பகுதியாக

Monday, August 23, 2010

நிறைவாழ்வு - சாது சுந்தர்சிங்

இந்தியாவில் தேவனுக்காக ஊழியம் செய்து நன்கு அறியப்பட்டவர்களில் ஒருவர் சாது சுந்தர்சிங் ஆவார். இந்தியாவில் மட்டுமல்லாது உலகமெங்கும் ஊழியம் செய்த அவர் செல்லுமிடங்களிலிலெல்லாம் கிறிஸ்துவின் நற்கந்தமாகவும், கிறிஸ்துவைக் குறித்து அறிகிற அறிவின் வாசனையை வெளிப்படுத்துகிறவராகவும் திகழ்ந்தார். இவரைப் பார்த்தவர்கள் இவரையல்ல கிறிஸ்துவையே பார்ப்பதாக எண்ணினார்கள் (நாமும் கிறிஸ்துவை வெளிப்படுத்துகிறவர்களாக இருக்கிறோமா?). தனி மனித துதியை விரும்பும் கிறிஸ்தவ ஊழியர்கள் மிகுந்த இக்காலத்தில் இவரைப்போன்று பலனை எதிர்பாராது ஊழியம் செய்பவர்கள் அனேகர் எழும்ப ஜெபிப்போம். ஒரு முறை இவர் கேரளத்தில் இருந்த போது மரித்த ஒரு சிறுவனை ஆண்டவரின் கிருபையால் உயிரோடே எழுப்பினார். ஆனால் அந்த சிறுவனின் தாயார் இவரது காலில் விழுந்து வணங்கி இவரை மிகவும் புகழ்ந்து “ நீங்கதான் கடவுள்” என்று சொன்னார். இந்த சம்பவம் சுந்தர்சிங்கை மிகவும் துக்கப்படுத்தியது. ஆகவே கண்ணீருடன் ஜெபித்த சிங் “ஆண்டவரே, உம்மைப் பார்ப்பதற்குப் பதிலாக ஜனங்கள் என்னைப் பார்ப்பதற்கே வரங்கள் பயன்படுமேயானால், அவ்வரங்கள் எனக்கு வேண்டாம்” என்று ஜெபித்தார். அதற்குப் பின் அவர் அற்புத அடையாளங்களை விட அதை விட மிகப்பெரிதான இரட்சிப்பைக் குறித்தே செல்லுமிடமெங்கிலும் பிரசங்கித்தார். அவரின் புத்தகங்கள் ஒவ்வொன்றும் நம் வாழ்க்கைக்கு மிகவும் பிரயோஜனமானவைகள். மேலும் அவை நாம் கிறிஸ்துவுடன் நெருங்கி பரலோக வாழ்வை வாழ தூண்டும், ஏனெனில் சாது சுந்தர் சிங் அவர்கள் தாமே கிறிஸ்துவோடு கூட ஒரு நெருங்கிய உறவைக் கொண்டிருந்தார். கீழே கொடுக்கப்பட்டிருக்கும் “நிறைவாழ்வு” புத்தகம் சாது சுந்தர் சிங் அவர்கள் சுவிட்சர்லாந்தில் ஊழியம் செய்த போது பண்ணின பிரசங்கங்களின் தொகுப்பு ஆகும். நிச்சயமாகவே மிகவும் பயனுள்ள புத்தகம்.


நிறைவாழ்வு புத்தகத்தை தரவிறக்கம் (Download) செய்ய கீழே உள்ள சுட்டியை Click செய்யவும்:  http://uploading.com/files/get/5b6mb97b/Abundant%20Life%20Tamil.pdf/

Wednesday, August 18, 2010

பிரார்த்தனை மாலை - புத்தக அறிமுகம்

ஜெபம் என்பது தேவனுடன் நம் இருதயத்திலிருந்து ஏறெடுக்கப்படும் ஒரு உரையாடல் மற்றும் உறவு ஆகும். இன்று பலரும் பொது இடங்களில் ஜெபிக்கச் சொன்னால், எனக்கு ஜெபிக்கத்தெரியாது என்று சொல்வதைக் கேட்டிருக்கிறேன். ஜெபம் என்பது ஒரு வரம் அல்லது கற்க வேண்டிய கடினமான கலை என்று நினைப்பதினாலேயே சிலர் ஜெபம் என்றது ஒதுங்குகின்றனர். மனிதரோடு மணிக்கணக்கில் பேசத்தயாராக இருக்கும் நான் தேவனுடன் பேச தெரியாது என்று சொல்வது முறையாகாதன்றோ? ஜெபம் மிக மிக எளிமையான, தேவனுக்கும் மனிதனுக்குமான இணைப்புப் பாலம் ஆகும். ஜெபம் குறித்த பல புத்தகங்கள் உண்டு என்றாலும் கூட  ஜான் பெயிலி அவர்கள் எழுதிய A Diary of Private prayers என்ற நூலின் தமிழாக்கம் பிரார்த்தனை மாலை மிகவும் அருமையான புத்தகம் ஆகும். இப்புத்தகத்தில் காணப்படும் ஒவ்வொரு ஜெபங்களும் சொற்சுவையுடன் மாத்திரம் இல்லாமல் வசனச் செறிவுடனும் மிகுந்த அர்த்தமுள்ள கருத்தான ஜெபங்களை உள்ளடக்கியதாகவும் உள்ளது.  வாசிக்கும் ஒவ்வொருவருக்கும் இப்புத்தகம் மிகுந்த பிரயோஜனமாக இருக்கும் என்பதில் ஐயமில்லை.


பிரார்த்தனை மாலை புத்தகத்தை Download செய்ய பின்வரும் சு்ட்டியை Click செய்யவும்: http://uploading.com/files/em1c5151/prayer%2Bgarland.pdf/

Friday, December 4, 2009

தமிழ் வேதாகமம் (BSI)

தரங்கம்பாடியில் கரை இறங்கி தேவ சேவை செய்ய வந்த சங்கை சீகன் பால்கு ஐயர் அவர்களால் ஆரம்பித்து வைக்கப்பட்ட தமிழ்வேதாகம மொழிபெயர்ப்புப் பணி பல அக்கால அயல்நாட்டு மிஷனெரிகளால் தொடர்ந்து எடுத்துச் செல்லப்பட்டு முழுவேதாகமாக தமிழ்வேதாகமம் வெளிவந்தது. இன்றும் கிறிஸ்தவர்களால் பெரிதும் விரும்பி பயன்படுத்தப்படுவது இந்த பதிப்பே.

முழு தமிழ்வேதாகமத்தை உங்கள் கணினியில் தரவிறக்கம் (Download) செய்ய கீழே உள்ள linkஐ click செய்யவும்.
பரிசுத்த வேதாகமம் (தமிழ்)
https://sites.google.com/site/jeraldkingston/Home/E-TamilHolyBible.pdf

Wednesday, December 2, 2009

தமிழ் வேதாகமம் WBTC பதிப்பு

ஆங்கிலத்தில் ஏராளமான வேதாகம மொழிபெயர்ப்புகள் உண்டு. தமிழில் கத்தோலிக்க கிறிஸ்தவர்களுக்கென்று ஒரு மொழிபெயர்ப்பும், ஏனைய கிறிஸ்தவர்கள் வேதாகமச் சங்கம் அச்சிடும் மொழிபெயர்ப்பு ஆக இரண்டு மொழிபெயர்ப்புகள் இருந்துவந்தது. பின்பு பொது மொழி பெயர்ப்பு வெளிவந்தது. பொது மொழிபெயர்ப்பும் கூட இன்னமும் பரவலாக எல்லாராலும் பயன்படுத்தப்படவில்லை. கத்தோலிக்க கிறிஸ்தவர்கள்தான் அதை முழுமையாக ஏற்றுக்கொண்டு பயன்படுத்திவருகின்றனர். சி.எஸ்.ஐ மற்றும் பெந்தோகோஸ்தே போன்ற இதர கிறிஸ்தவர்கள் பழைய மொழிபெயர்ப்பையே இன்றும் பெரும்பாலும் பயன்படுத்தி வருகின்றனர். பொது மொழி பெயர்ப்பில் குறை உண்டு என்று சொல்பவர்களுக்கு WBTC வெளியிட்டுள்ள வேதாகம மொழி பெயர்ப்பு பெரிதும் உதவும் என்று நம்புகிறேன். ஆங்கில வேதாகமங்களுக்கு இணையாக உள் தலைப்புகளையும் சிறு விளக்கங்களையும் கொண்ட இப்புதிய வேதாகமம் மிகவும் பயனுள்ளதாகவும் எவரும் எளிதில் புரிந்து கொள்ளும் வண்ணமாகவும் இருக்கும் என்பதில் ஐயமில்லை.

தமிழ் வேதாகமத்தை Download செய்ய Please click the links below
1.பழைய ஏற்பாடு
2. புதிய ஏற்பாடு